ក្នុងសន្និសីទសារព័ត៌មានថ្ងៃនេះ លោក Cherchesov បាននិយាយថា "ការរិះគន់គឺជារឿងល្អ" ដែលបានជួយក្រុមលេងល្អរហូតបានឡើងដល់វគ្គ ៨ ក្រុម World Cup លើកនេះ។ "សរសើរគ្រប់ពេលពេក ក៏មិនល្អដែរ"។ លោកកត់សម្គាល់។
បន្ថែមពីការនិយាយខាងលើ គ្រូបង្វឹក Cherchesov បានបន្ត៖ "ប្រធានាធិបតីពូទីន បាននិយាយជាមួយខ្ញុំក្រោយប្រកួតជាមួយអេស្ប៉ាញបានបញ្ចប់។ នៅពេលប្រធានាធិបតីហៅអ្នកទៅជួបអ៊ីចឹង ច្បាស់ណាស់ វាធ្វើឲ្យអ្នកស្រួលក្នុងអារម្មណ៍។ សកម្មភាពនេះ ជួយបង្កើនកម្លាំងចិត្តក្រុមមែនទែន"។
រុស្ស៊ីបានធ្វើឲ្យសារព័ត៌មានអន្តរជាតិជាច្រើនភ្ញាក់ផ្អើល ក្រោយបានបង្ហាញទម្រង់លេងល្អក្នុង World Cup លើកនេះ។ ក្រុមបានស៊ុតចូលដល់ទៅ ៨ គ្រាប់ ក្នុងវគ្គ Group Stage និងទទួលបានចំណាត់ថ្នាក់លេខ ២ ក្នុងពូល។ ក្នុងវគ្គ ១៦ ក្រុម រុស្ស៊ីបានលេងឈ្នះអេស្ប៉ាញ ក្នុងវគ្គកាត់សេចក្ដីទាត់បាល់ពិន័យ ១១ ម៉ែត្រ។
ក្នុងវគ្គ ៨ ក្រុម រុស្ស៊ីនឹងត្រូវប៉ះក្រូអាត នៅវេលាម៉ោង ១ រំលងអាធ្រាត្រថ្ងៃសៅរ៍ខាងមុខ (ម៉ោងនៅកម្ពុជា)៕
No comments:
Post a Comment