Monday, July 30, 2018

របៀបញ៉ាំតាមក្បួនគ្រូពេទ្យចិនដើម្បីឲ្យសុខភាពល្អនិងសម្រស់ស្រស់ស្អាត

Unknown July 30, 2018 សុខភាព

ជំងឺអាចចូលមកក្នុងខ្លួនអ្នកបានគ្រប់ពេល ប្រសិនបើអ្នកធ្វេសប្រហែសគ្មានការយកចិត្តទុកដាក់ ចំពោះសុខភាពនិងការថែរក្សាឲ្យបានត្រឹមត្រូវ។ បើខ្លួនប្រាណមានជំងឺហើយ សម្រស់ក៏បាក់ទៅតាមហ្នឹងដែរ។ ដូច្នេះហើយសាកងាកមកចាប់អារម្មណ៍ពីរបៀបញ៉ាំតាមក្បួនគ្រូពេទ្យចិនវិញម្តងមើល ព្រោះវាមានប្រសិទ្ធភាពខ្ពស់ដើម្បីឲ្យអ្នកមានសុខភាពល្អ និងចាកផុតពីជំងឺផ្សេងៗ។

១. ការបង្អត់ខ្លួនឯងដោយមិនញ៉ាំអាហារពេលល្ងាច ធ្វើឲ្យអ្នកមានការប្រឈមខ្ពស់ក្នុងការកើតជំងឺមហារីក។

២. ក្នុងមូយសប្ដាហ៍មិនត្រូវញ៉ាំពងទាឬពងមាន់លើសពី៤គ្រាប់។

៣. មិនគួរញ៉ាំផ្លែឈើក្រោយបាយ គួរញ៉ាំមុនពេលបាយ។

៤. បើផឹកទឹកសណ្ដែកកុំបន្ថែមពងមាន់និងស្ករស។

៥. កុំផឹកទឹកតែពេញមួយខែ ដើម្បីឲ្យឈាមរត់ស្រួល។

៦. ពេលក្រពះនៅទទេ មិនទាន់ញ៉ាំអីចូលពោះ ដាច់ខាតកុំញ៉ាំប៉េងប៉ោះ។

៧. ផឹកទឹកមុនពេលញ៉ាំអាហារពេលព្រឹក ការពារមិនឲ្យកើតជំងឺផ្សេងៗ។

៨. ៣ម៉ោងមុនពេលចូលគេងមិនគួរញ៉ាំអាហារនោះទេ។

៩. មិនផឹកតែជាមួយទឹកដោះគោខាប់ ព្រោះវាមានជាតិស្ករច្រើន ដែលអាចបណ្តាលឲ្យកើតទឹកនោមផ្អែមនិងសម្ពាធឈាមឡើងខ្ពស់។

១០. ពេលសាកថ្មទូរសព្ទ គួរដាក់ឲ្យឆ្ងាយពីខ្លួនមិនតិចជាង ៣០សង់ទីម៉ែត្រ និងមិនត្រូវដាក់ក្បែរគ្រែពេលដែលអ្នកកំពុងគេង។

១១. ផឹកទឹកឲ្យបាន១០កែវក្នុងមួយថ្ងៃ ដើម្បីការពារជំងឺមហារីក ប៉ុន្តែមិនត្រូវផឹកច្រើននៅពេលយប់។

១២. កុំផឹកកាហ្វេលើសពី២កែវក្នុងមួយថ្ងៃ ព្រោះអាចបណ្តាលឲ្យមានគ្រោះថ្នាក់ខ្លាំងដល់សុខភាព។

១៣. ត្រូវញ៉ាំតិចៗ បន្ទាប់ពីម៉ោង៥ល្ងាច។

**អ្វីដែលត្រូវញ៉ាំ

សាច់ត្រី ចេក ក្រូចថ្លុង នំប៉័ងស្រូវសាឡី កូនស្ពៃ ខ្ទឹមបារាំង ល្ពៅ ទឹកដោះគោស្រស់គ្មានបន្ថែមជាតិស្ករ សាច់មាន់ ផ្លែព័រ។

ផឹកទឹកក្រូចឆ្មារក្តៅអ៊ុនៗជារៀងរាល់ថ្ងៃ ដើម្បីបំផ្លាញកោសិកាដែលនាំឲ្យកើតជំងឺមហារីក។
វិធីធ្វើ៖ ចិតក្រូចឆ្មារ ២-៣ បន្ទះស្តើងៗ ដាក់ចូលទៅក្នុងទឹកក្តៅអ៊ុនៗមួយកែវជាការស្រេច ៕